Un novél groupo de rèfléxion

Le GRA l’est un novél "Groupo de Réfléxion Arpitana" por ora ben informèl et sens ciba ôtra que de comunicar entre les rég.ions arpitanes. L’est éta proposâ de Franck Monod et la premiéra tenâblla l’est passâye lo 18 de janviér 2022.

Nos volens renovelar ceta sôrta de reunion tués les doux mês, por changiér des idês, parlar, èxplicar les projéts que sè butont/fechont en pllace dens totes les rég.ions arpitanes.

Mè semblerêt enteressient d’inclure lo Piemont, Fibôrg, Neuchâtel. Nos verrans se serant enteressiê de participar. L’at ja la "Fédéracion Romanda et intèrnaciole du Patoués" et lo "GIT = Groupo Intèrnacionaâl de Travaly" que èprovont de fére comunicar les rég.ions et de sincronisar les activitâts. Mas celes organisacions travalyont ou u nivô des associacions ou u nivô de l’ensègnament de la lengoua.
Le GRA vôt pletot travalyér a l’élaboracion de projèt globâls por la promocion de la noutra lengoua arpitana, cen vôt a dére les "patoués" francoprovençâls.